Herriaren urteurren ospakizuna munduko edozein txokotara zabaltzeko postal tailerra dugu hau. Andoaingo argazkiak ekar ditzazkezu eta postalak bihurtuko ditugu, urrutiko lagun edota senitartekoei bidaltzeko. Andoain herria gaitzat dituen argazkiak ekarri – etxean dituzun argazki zahar edo berri kuttunak edota sortu berriak – eta tailerrean Andoaingo Postalak sortuko ditugu.
Bakoitzak bere argazkiak postale bihurtzea, fisikoak egitea alajaina, badu bere xarama berezia. Argazkiak papereratzeak beti izan du bere xarma. Analojikoan kitzikagarria ere bada: laborategiko argi gorria, errebeladorean papera sartu eta irudia sortzen ikusteak…ez dauka parekorik. Gaur egun, garai dijitalean, argazkiak papereratzea noizbehinkako gauza izaten da nahiz eta milaka argazki egin eta beste hainbat irudi sortu birtualki. Gure argazkiak postale bihurtzean objetu fisiko bat sortzen da. Edozer sortzeak badu bere xarma, jakinda gainera posta arruntaren bidez bidaltzean hartzaile bat sortzen dugula eta postale fisiko hori jasotzeak momento atsegina eragingo diola, etxean posta arruntaren bidez ordain agiriak besterik jasotzen ditugun garai hauetan.
Parte-hartzaileak nahi adina argazki eta formato anitzetan aurkeztu ditzakezu: negatibo argazkia, diapositiba argazkia, argazkia paperean, mugikorreko argazkiak, kamara dijitaleko argazkiak…
Edozein proportzio : 2:3, 3:4, panoramikak…
APIRILAK 25 LARUNBATA Izenematea 7tik 23ra
MAIATZAK 30 LARUNBATA Izenematea 12tik28ra – Argazkialdia15 Argazki Jaialdiaren barne http://www.argazkialdia.com/eu/
Bi ordutegi: 10:30etatik 13:30etara / 18:00etatik 20:30etara
Izenematea Bastero Kulturgunean DOAN izango da.
Azaldu Andoain buruzko zure begirada eta zabaldu munduko txoko guztietara.
Gartxot Arregiren gidaritzapean, Andoaingo Udalak antolatutako ekimena Andoaindarrak 400 Urte ospakizunen barne. http://www.andoaindarrak400.eus/
